تازہ ترین
صفحہ اول » کھیل » بھارتی کرکٹ بورڈ نے چیمپئنز ٹرافی کیلئے ٹیم کا اعلان کردیا

بھارتی کرکٹ بورڈ نے چیمپئنز ٹرافی کیلئے ٹیم کا اعلان کردیا

بھارتی کرکٹ بورڈ نے آئی سی سی کے سامنے گھٹنے ٹیک دیئے اور چیمپئنز ٹرافی کیلئے بھارت کی 15رکنی ٹیم کا اعلان کردیاہے، ویرات کوہلی ٹیم کی قیادت کریں گے۔

بگ تھری کے خاتمے کے بعد آئی سی سی اور بھارتی بورڈ کے درمیان جو تناؤ پیدا ہواتھا وہ ختم ہوگیا جس کے بعد بھارتی کرکٹ بورڈ نے آئی سی سی چیمپئنز ٹرافی کیلئے 15رکنی ٹیم کا اعلان کردیا ہے ۔

ویرات کوہلی پہلی بار آئی سی سی کے کسی ایونٹ میں بھارتی ٹیم کی قیادت کریں گے، دیگر کھلاڑیوں میں شیکھر دھون، روہت شرما، اجنکیا رہانے، ایم ایس دھونی، یوراج سنگھ، کیدھر یادیو، ہرتھیک پانڈیا، روی چندر ایشوین، رویندرا جڈیجا، محمد شامی، امیش یادیو، بھوینشور کمار، جسپریت بھمرا اور منیش پانڈے شامل ہیں۔

چیمپئنزٹرافی یکم سے 18جون تک انگلینڈ میں کھیلی جائے گی، پاکستان اور بھارت 4 جون کو مدمقابل ہوں گے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون/ خبر پسند آیا ہے تو اسے اپنی فیس بک وال پر شیئر کریں۔

مصنف: ماریہ جاوید